1349 – Oslo – Elm Street

Kvass i gitaren tordnande i bassen vokalen godt inne og endå har eg ikkje nemnt trommene. Du kan tenkja deg. Fortetta innbiten kald vond stemning. Eit aggressivt band rett på deg. Can you take it? Bandet verkar nære og fjerne på ein gong i eit grønblått blinkande bakljos. Skimtar bandet der framme på scena. Sculptures of flesh. Ikkje eit ord i millum låtane berre hyl og skrik frå publikum.  Eit timeslangt sett tida går som sterk kuling. Fram att for å gjera "The Usurper" av Celtic Frost som ekstralåt. Dette sit som spikra i helvete. Visste det på førehand. 1349 sviktar aldri live.