Søkeord:   


11.01.2018

AUDREY HORNE

Blackout

Anmeldt av Torger Havåg
(Napalm Records, 2018)

Karakter: 5.5/6

audreyhorne_album.jpgAudrey Horne er eit band eg har fylgt lenge, og hugsar godt frå tida eg studerte i Bergen. Alle i bandet var ofte å sjå i sentrum av byen, og då spesielt i miljøet rundt Garage. Eg oppdaga dei for alvor først på den sjølvtitulerte plata som kom i 2010, som eg omtrent høyrte i hjel. Dei to platene som har komt sidan det, satte ikkje like store spor i meg, men var likevel av høg kvalitet.


No er dei tilbake, med plata Blackout, og denne gongen er det umiddelbart eit låtmateriale som bankar seg rett inn hos meg. Det heile startar knallhardt med den kjappe og nokså tunge ”This Is War”. Audrey Horne er tilbake med ei klassisk opningslåt det luktar svidd av. Den følgast opp av eit komande ”konsertanthem”, i form av ”Audrevolution”. To låter som nesten garantert vert opninga på dei komande konsertane til bandet, og som også er dei to første singlane frå plata.


Det heile fortsett med den hærlige tittellåta ”Blackout”. Der dei to første er moderne tungrock, er dette eit stikk mot den klassiske rocken, som få her til lands gjer betre enn Audrey Horne. Det viser dei også på den rolige, men fine ”This Man”, og på den prangande ”Midnight Man”, før det er tilbake mot hardrock/metal-sporet på ”Light Your Way”, der spesielt trommeslagar Kjetil Greve får briljere.


Men den verkelege rosina i rockebratwürsten som er ”Blackout”, er for meg låta ”California”. Makan til deilig rock har eg ikkje høyrt sidan den ”Out Of The City” av same band. Deilig riff, nydelig melodi, og klassisk rocketematikk i teksta. Her var eg solgt frå første lytt, og låta tek meg med til ein motorveg i statane, i ein svart Mustang, køyrande mot soloppgongen.


”Sattelite”, og den doble avsluttinga med ”Naysayer”/”Rose Alley” er ei nesten perfekt avrunding på det som eg trur vil kome inn på lista over årets beste rockealbum. Audrey Horne har gjort det igjen, og ”Blackout” osar av syskarpe riff, fengjande refreng, og ikkje minst mengdar av speleglede. Eg veit dette er eit eit eminent liveband, og når ein høyrer denne plata, er ikkje det vanskeleg å forstå. Kort sagt: Ein klassisk seiersgang innan rock!

https://www.facebook.com/AudreyHorneOfficial/



Andre omtaler:


19.06.2018: BAN BIANCA - Put Your Money Where Your Mouth Is
18.06.2018: GHOST - 1988
18.06.2018: DEADLY CARNAGE - Through the Void, Above the Suns
17.06.2018: LED ZEPPELIN - How the West Was Won (Remastered & Reissued)
16.06.2018: PHANDROM - Victims of the Sea
15.06.2018: VALYRIA - Into The Dying Of Time
14.06.2018: FLORIAN GREY - Ritus
14.06.2018: KING WITCH - Under the Mountain
13.06.2018: MIND ENEMIES - Revenge
13.06.2018: Acârash - In Chaos Becrowned
12.06.2018: INFRARED - Saviours
12.06.2018: KENOS - Pest
11.06.2018: JEFF BECK - Live at the Hollywood Bowl
07.06.2018: SUDDEN DEATH - Stillborn
06.06.2018: SKOGEN - Skuggorna Kallar
05.06.2018: STEELMADE - The Stories We Tell
04.06.2018: COR SCORPII - Ruin
31.05.2018: PLANET EATER - Blackness From The Stars
29.05.2018: NOX INTERNA - A Minor Road
28.05.2018: UADA - Cult of a Dying Sun